ガリア戦記 第6巻/注解/40節
C · IVLII · CAESARIS · COMMENTARIORVM · BELLI · GALLICI
LIBER · SEXTVS
| ガリア戦記 注解編 | 第6巻 |
|---|
原文テキスト
[編集][1] 40.
1Calones in proximum tumulum procurrunt. Hinc celeriter deiecti se in signa manipulosque coiciunt: eo magis timidos perterrent milites. 2Alii cuneo facto ut celeriter perrumpant censent, quoniam tam propinqua sint castra, et, si pars aliqua circumventa ceciderit, at reliquos servari posse confidunt; 3alii, ut in iugo consistant atque eundem omnes ferant casum. 4Hoc veteres non probant milites, quos sub vexillo una profectos docuimus. Itaque inter se cohortati duce C. Trebonio, equite Romano, qui eis erat praepositus, per medios hostis perrumpunt incolumesque ad unum omnes in castra perveniunt. 5Hos subsecuti calones equitesque eodem impetu militum virtute servantur. 6At ei qui in iugo constiterant, nullo etiam nunc usu rei militaris percepto, neque in eo quod probaverant consilio permanere, ut se loco superiore defenderent, neque eam quam prodesse aliis vim celeritatemque viderant imitari , sed se in castra recipere conati iniquum in locum demiserunt. 7Centuriones, quorum non nulli ex inferioribus ordinibus reliquarum legionum virtutis causa in superiores erant ordines huius legionis traducti, ne ante partam rei militaris laudem amitterent fortissime pugnantes conciderunt. 8Militum pars, horum virtute summotis hostibus, praeter spem incolumis in castra pervenit, pars a barbaris circumventa periit.
- テキスト引用についての注記
整形テキスト
[編集][2] XL. ①Cālōnēs in proximum tumulum prōcurrunt. Hinc celeriter dēiectī sē in signa manipulōsque coniciunt:eō magis timidōs perterrent mīlitēs. ②Aliī, cuneō factō ut celeriter perrumpant, cēnsent, quoniam tam propinqua sint castra, et, sī pars aliqua circumventa ceciderit, at reliquōs servārī posse cōnfīdunt; ③aliī, ut in iugō cōnsistant atque eundem omnēs ferant cāsum. ④Hōc veterēs nōn probant mīlitēs, quōs sub vēxillō ūnā profectōs docuimus. Itaque inter sē cohortātī duce Gāiō (C.) Trebōniō, equite Rōmānō, quī iīs erat praepositus, per mediōs hostēs perrumpunt incolumēsque ad ūnum omnēs in castra perveniunt. ⑤Hōs subsecūtī cālōnēs equitēsque eōdem impetū mīlitum virtūte servantur. ⑥At eī, quī in iugō cōnstiterant, nūllō etiam nunc ūsū reī mīlitāris perceptō, neque in eō, quod probāverant, cōnsiliō permanēre, ut sē locō superiōre dēfenderent, neque eam, quam prōdesse aliīs vim celeritātemque vīderant, imitārī potuerant, sed sē in castra recipere cōnātī inīquum in locum dēmīsērunt. ⑦Centuriōnēs, quōrum nōn nūllī ex īnferiōribus ōrdinibus reliquārum legiōnum virtūtis causā in superiōrēs erant ōrdinēs hūius legiōnis trāductī, nē ante partam reī mīlitāris laudem āmitterent, fortissimē pugnantēs concidērunt. ⑧Mīlitum pars, hōrum virtūte submōtīs hostibus, praeter spem incolumis in castra pervēnit, pars ā barbarīs circumventa periit.
- 注記
注解
[編集]1項
[編集]
- 語釈
訳文
[編集]- 訳文は、ガリア戦記_第6巻#40節
脚注
[編集]- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。