ガリア戦記 第7巻/注解/11節
C · IVLII · CAESARIS · COMMENTARIORVM · BELLI · GALLICI
LIBER · SEPTIMVS
| ガリア戦記 注解編 | 第7巻 |
|---|
原文テキスト
[編集][1] 11. 1Altero die cum ad oppidum Senonum Vellaunodunum venisset, ne quem post se hostem relinqueret, quo expeditiore re frumentaria uteretur, oppugnare instituit idque biduo circumvallavit; 2tertio die missis ex oppido legatis de deditione, arma conferri, iumenta produci, sescentos obsides dari iubet. 3Ea qui conficeret C. Trebonium legatum relinquit. Ipse, ut quam primum iter faceret, Cenabum Carnutum proficiscitur; 4qui tum primum allato nuntio de oppugnatione Vellaunoduni, cum longius eam rem ductum iri existimarent, praesidium Cenabi tuendi causa quod eo mitterent comparabant. 5Huc biduo pervenit. Castris ante oppidum positis, diei tempore exclusus in posterum oppugnationem differt, quaeque ad eam rem usui sint militibus imperat et, 6quod oppidum Cenabum pons fluminis Ligeris contingebat, veritus ne noctu ex oppido profugerent duas legiones in armis excubare iubet. 7Cenabenses paulo ante mediam noctem silentio ex oppido egressi flumen transire coeperunt. 8Qua re per exploratores nuntiata, Caesar legiones quas expeditas esse iusserat portis incensis intromittit atque oppido potitur, perpaucis ex hostium numero desideratis quin cuncti caperentur, quod pontis atque itinerum angustiae multitudinis fugam intercluserant. 9Oppidum diripit atque incendit, praedam militibus donat, exercitum Ligerem traducit atque in Biturigum finis pervenit.
- テキスト引用についての注記
整形テキスト
[編集][2] XI. ①Alterō diē cum ad oppidum Senonum, Vellaunodūnum, vēnisset, nē quem post sē hostem relinqueret, quō expedītiōre rē frūmentāriā ūterētur, oppugnāre īnstituit idque bīduō circumvāllāvit; ②tertiō diē missīs ex oppidō lēgātīs dē dēditiōne, arma cōnferrī, iūmenta prōdūcī, sescentōs obsidēs darī iubet.
③Ea quī cōnficeret, C. Trebōnium lēgātum relinquit. Ipse, ut quam prīmum iter faceret, Cenabum Carnūtum proficīscitur; ④quī, tum prīmum adlātō nūntiō dē oppugnātiōne Vellaunodūnī, cum longius eam rem ductum īrī exīstimārent, praesidium Cenabī tuendī causā, quod eō mitterent, comparābant.
⑤Hūc bīduō pervenit. Castrīs ante oppidum positīs, diēī tempore exclūsus in posterum oppugnātiōnem differt, quaeque ad eam rem ūsuī sint, mīlitibus imperat, et, ⑥quod oppidum Cenabum pōns flūminis Ligeris contingēbat, veritus nē noctū ex oppidō profugerent, duās legiōnēs in armīs excubāre iubet. ⑦Cenabensēs paulō ante mediam noctem silentiō ex oppidō ēgressī flūmen trānsīre coepērunt. ⑧Quā rē per explōrātōrēs nūntiātā, Caesar legiōnēs, quās expedītās esse iusserat, portīs incēnsīs intrōmittit atque oppidō potītur, perpaucīs ex hostium numerō dēsīderātīs, quīn cūnctī caperentur, quod pontis atque itinerum angustiae multitūdinis fugam interclūserant. ⑨Oppidum dīripit atque incendit, praedam mīlitibus dōnat, exercitum Ligerem trādūcit atque in Biturigum fīnīs pervenit.
③Ea quī cōnficeret, C. Trebōnium lēgātum relinquit. Ipse, ut quam prīmum iter faceret, Cenabum Carnūtum proficīscitur; ④quī, tum prīmum adlātō nūntiō dē oppugnātiōne Vellaunodūnī, cum longius eam rem ductum īrī exīstimārent, praesidium Cenabī tuendī causā, quod eō mitterent, comparābant.
⑤Hūc bīduō pervenit. Castrīs ante oppidum positīs, diēī tempore exclūsus in posterum oppugnātiōnem differt, quaeque ad eam rem ūsuī sint, mīlitibus imperat, et, ⑥quod oppidum Cenabum pōns flūminis Ligeris contingēbat, veritus nē noctū ex oppidō profugerent, duās legiōnēs in armīs excubāre iubet. ⑦Cenabensēs paulō ante mediam noctem silentiō ex oppidō ēgressī flūmen trānsīre coepērunt. ⑧Quā rē per explōrātōrēs nūntiātā, Caesar legiōnēs, quās expedītās esse iusserat, portīs incēnsīs intrōmittit atque oppidō potītur, perpaucīs ex hostium numerō dēsīderātīs, quīn cūnctī caperentur, quod pontis atque itinerum angustiae multitūdinis fugam interclūserant. ⑨Oppidum dīripit atque incendit, praedam mīlitibus dōnat, exercitum Ligerem trādūcit atque in Biturigum fīnīs pervenit.
- 注記
注解
[編集]1項
[編集]
- 語釈
訳文
[編集]- 訳文は、ガリア戦記_第7巻#11節
脚注
[編集]- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。