沖縄語/形容詞文の否定文

例文

話し手	沖縄口(うちなーぐち)	大和口(やまとぅぐち)
大城(うふぐしく)	はじみてぃうぅがなびら。	はじめまして。
五十嵐(いからし)	はじみてぃうぅがなびら。	はじめまして。
	わんねー五十嵐(いからし)やいびーん。	私は五十嵐です。
大城(うふぐしく)	五十嵐(いからし)さんたーっんまりじまーまーやいびーが？	五十嵐さんの出身はどちらですか？
五十嵐(いからし)	新潟(にーがた)やいびーん。	新潟です。
大城(うふぐしく)	新潟(にーがた)！	新潟！
	北(にし)ぬ方(はら)やいびーんやー。	北の方ですね。
	夏(なちぇ)ーしださいびーみ？	夏は涼しいですか？
五十嵐(いからし)	うぅーうぅー。	いいえ。
	新潟(にーがた)ぬ夏(なちぇ)ーしだこーねーいびらん。	新潟の夏は涼しくありません。
	四十度(よんじゅーど)余(あま)いん。	40度を越します。
大城(うふぐしく)	はっさ。	うわぁ。
	いっぺー暑(あち)さいびーんやー。	とても暑いですね。

単語

• 北(にし) - 北
• 南(ふぇー) - 南
• 東(あがり) - 東
• 西(いり) - 西
• 〜方(はら) - 〜方、〜方面
• 冬(ふゆ) - 冬
• しださん - 涼しい
• 暑(あち)さん - 暑い
• 熱(あち)さん - 熱い
• 余(あま)いん - 余る、越す、〜以上になる
• はっさ、はっさみよ - うわあ(驚き呆れる様を表す感動詞)

文法

形容詞文の否定文

形容詞文を否定文にする場合、語尾の-saNを-koo neeraNにします。

• しださん(涼しい) → しだこーねーらん(涼しくない)
• あちさん(暑い) → あちこーねーらん(暑くない)

新潟(にーがた)ぬ夏(なちぇ)ーしだこーねーらん。

新潟の夏は涼しくない。

ビーン体の場合は語尾の-saibiiNを-koo neeibiraNに変えます。

• しださいびーん(涼しいです) → しだこーねーいびらん(涼しくないです)
• あちさいびーん(暑いです) → あちこーねーいびらん(暑くないです)

新潟(にーがた)ぬ夏(なちぇ)ーしだこーねーいびらん。

新潟の夏は涼しくありません。

練習問題

(1)以下の文章を沖縄語に訳しなさい。
1：ネズミは大きくない。
2：ゾウは小さくない。
3：新潟は涼しくありません。
4：釧路は暑くありません。

練習問題解答

(1)
1：^っゑんちゅーまぎこーねーらん。
2：象(ぞー)やぐまこーねーらん。
3：新潟(にーがた)ーしだこーねーいびらん。
4：釧路(くしろ)ー暑(あち)ーこーねーいびらん。