カラフトナヨロ惣乙名文書・満洲語・二・ラテン文字

出典: フリー教科書『ウィキブックス(Wikibooks)』
ナビゲーションに移動 検索に移動

meiren -i janggin yamun -i bithe
カラフトナヨロ惣乙名(そうおとな)文書・満洲語・二

meiren -i janggin yamun -i bithe, too hala, halai da orkobso, gašan -i da tusokurdenggi sede alibuha. ulhibume selgiyere jalin, ilan biyai juwan juwe de,

jiyanggiyūn yamun ci unggihe bithede, sakini sere jalin, boigon fiyenten -i alibuhangge, abkai wehiyehe -i dehici aniya ilan biyai ice de alime gaiha, aliha bithei da hiya kadalara dorgi amban tondo baturu gung sei jasiha bithede, abkai wehiyehe -i dehici aniya juwe biyai ice sunja de
hese wasimbuhangge, yaya gemun hecen de jihe heje fiyaka [正式にはheje fiyaha[1], “ホジェン族/ナナイ人”] -i lidaka, mama eršere de nimeme akū oho bime, onggolo inu ere gese bihe, erebe tuwaci ceni beye gemu eshun, ce goro bici alban jafame sargan gaime gemun hecen de jifi mama eršere de nimeme akū oho ohongge umesi jilaka, ese da baci gemun hecen de isirarengge jugūn umesi goro bime gemun hecen de tuweri dubesilere, niyengniyeri dosire nerginde mama eršerengge labdu, cende labdu tusa akū,hono erin -i šahūrun seruken be bodome erdeken -i jibufi uthai hūdun icihiyafi amasi unggici teni sain, erebe ildun de girin ulai jiyanggiyūn de jasifi, ereci julesi heje fiyaha -i urse gemun hecen de jifi alban jafame sargan gaiki serengge bici, kemuni nenehe songkoi cembe hon sitabufi tuweri erinde jurambufi gemun hecen de unggici ojorakū, urunakū nadan jakūn uyun biyai serguwen ucuri be amcame jibufi, harangga baci uthai kooli sonkoi inde sargan isibume icihiyafi da bade amasi unggikini, uttu ohode, ceni beye umesi tusa sehebe gingguleme dahafi, erei jalin jasiha seme isinjihabi, erebe ningguta, ilan hala meiren -i janggin sei yamun de bithe jabubufi, ulame heje fiyaka, kuye fiyaka -i ursede selgiyefi, ereci julesi jafan alban jafame gemun hecen de sargan gaime generengge bici, urunakū nadan jakūn biyai dorgide serguwen ucuri be amcame icihiyafi unggikini seme bithe jabubuki sembi seme alibuhabi, erei jalin unggihe seme isinjihabi, uttu ofi
hese be dahame, suweni kuye fiyaka -i urse gemun hecen de alban jafame sargan gaiki seme generengge bici erdeken -i jifi nadan jakūn uyun biyai dorgide serguwen -i ucuri gemun hecen de isiname genekini, erei jalin ulhibume selgiyehe.


abkai wehiyehe -i dehici aniya ilan biyai orin.

  1. ^ 『欽定清漢對音字式』道光十六年三月十九日內閣奉 p.56第八行