ガリア戦記 第5巻/注解/40節
C · IVLII · CAESARIS · COMMENTARIORVM · BELLI · GALLICI
LIBER · QVINTVS
| ガリア戦記 注解編 | 第5巻 |
|---|
原文テキスト
[編集][1] 40. 1Mittuntur ad Caesarem confestim ab Cicerone litterae, magnis propositis praemiis, si pertulissent: obsessis omnibus viis missi intercipiuntur. 2Noctu ex materia quam munitionis causa comportaverant, turres admodum centum XX excitantur incredibili celeritate; quae deesse operi videbantur perficiuntur. 3Hostes postero die multo maioribus coactis copiis castra oppugnant, fossam complent. Eadem ratione, qua pridie, ab nostris resistitur. 4Hoc idem reliquis deinceps fit diebus. 5Nulla pars nocturni temporis ad laborem intermittitur; non aegris, non vulneratis facultas quietis datur. 6Quaecumque ad proximi diei oppugnationem opus sunt noctu comparantur: multae praeustae sudes, magnus muralium pilorum numerus instituitur; turres contabulantur, pinnae loricaeque ex cratibus attexuntur. 7Ipse Cicero, cum tenuissima valetudine esset, ne nocturnum quidem sibi tempus ad quietem relinquebat, ut ultro militum concursu ac vocibus sibi parcere cogeretur.
- テキスト引用についての注記
- comportaverant : conportaverant と表記する校訂版もある。
整形テキスト
[編集][2] XL. ①Mittuntur ad Caesarem cōnfestim ab Cicerōne litterae, magnīs prōpositīs praemiīs, sī pertulissent: obsessīs omnibus viīs missī intercipiuntur. ②Noctū ex māteriā, quam mūnītiōnis causā comportāverant, turrēs admodum centum vīgintī excitantur incrēdibilī celeritāte; quae deesse operī vidēbantur perficiuntur. ③Hostēs posterō diē multō maiōribus coāctīs cōpiīs castra oppugnant, fossam complent. Eādem ratiōne, quā prīdiē, ab nostrīs resistitur. ④Hōc idem reliquīs deinceps fit diēbus. ⑤Nūlla pars nocturnī temporis ad labōrem intermittitur; nōn aegrīs, nōn vulnerātīs facultās quiētis datur. ⑥Quaecumque ad proximī diēī oppugnātiōnem opus sunt noctū comparantur: multae praeustae sudēs, magnus mūrālium pīlōrum numerus īnstituitur; turrēs contabulantur, pinnae lōrīcaeque ex crātibus attexuntur. ⑦Ipse Cicerō, cum tenuissimā valētūdine esset, nē nocturnum quidem sibi tempus ad quiētem relinquēbat, ut ultrō mīlitum concursū ac vōcibus sibi parcere cōgerētur.
- 注記
注解
[編集]1項
[編集]
- 語釈
訳文
[編集]- 訳文は、ガリア戦記_第5巻#40節
脚注
[編集]- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。