ガリア戦記 第5巻/注解/9節
C · IVLII · CAESARIS · COMMENTARIORVM · BELLI · GALLICI
LIBER · QVINTVS
| ガリア戦記 注解編 | 第5巻 |
|---|
原文テキスト[編集]
[1] 9.
1Caesar, exposito exercitu et loco castris idoneo capto, ubi ex captivis cognovit quo in loco hostium copiae consedissent, cohortibus decem ad mare relictis et equitibus trecentis qui praesidio navibus essent, de tertia vigilia ad hostis contendit, eo minus veritus navibus quod in litore molli atque aperto deligatas ad ancoram relinquebat, et praesidio navibus Q. Atrium praefecit. 2Ipse noctu progressus milia passuum circiter XII hostium copias conspicatus est. 3Illi equitatu atque essedis ad flumen progressi ex loco superiore nostros prohibere et proelium committere coeperunt. 4Repulsi ab equitatu se in silvas abdiderunt, locum nacti egregie et natura et opere munitum, quem domestici belli, ut videbantur, causa iam ante praeparaverant; nam crebris arboribus succisis omnes introitus erant praeclusi. 5Ipsi ex silvis rari propugnabant nostrosque intra munitiones ingredi prohibebant. 6At milites legionis septimae, testudine facta et aggere ad munitiones adiecto, locum ceperunt eosque ex silvis expulerunt paucis vulneribus acceptis. 7Sed eos fugientes longius Caesar prosequi vetuit, et quod loci naturam ignorabat, et quod magna parte diei consumpta munitioni castrorum tempus relinqui volebat.
- テキスト引用についての注記
整形テキスト[編集]
[2] IX. ①Caesar, expositō exercitū et locō castrīs idōneō captō, ubi ex captīvīs cognōvit quō in locō hostium cōpiae cōnsēdissent, cohortibus decem(X) ad mare relictīs et equitibus trecentīs(CCC) quī praesidiō nāvibus essent, dē tertiā vigiliā ad hostēs contendit, eō minus veritus nāvibus quod in lītore mollī atque apertō dēligātās ad ancoram relinquēbat, et praesidiō nāvibus Quīntum Ātrium praefēcit. ②Ipse noctū prōgressus mīlia passuum circiter duodecim(XII) hostium cōpiās cōnspicātus. ③Illī equitātū atque essedīs ad flūmen prōgressī ex locō superiōre nostrōs prohibēre et proelium committere coepērunt. ④Repulsī ab equitātū sē in silvās abdidērunt, locum nactī ēgregiē et nātūrā et opere mūnītum, quem domesticī bellī, ut vidēbantur, causā iam ante praeparāverant; nam crēbrīs arboribus succīsīs omnēs introitūs erant praeclūsī. ⑤Ipsī ex silvīs rārī prōpugnābant nostrōsque intrā mūnītiōnēs ingredī prohibēbant. ⑥At mīlitēs legiōnis septimae, testūdine factā et aggere ad mūnītiōnēs adiectō, locum cēpērunt eōsque ex silvīs expulērunt paucīs vulneribus acceptīs. ⑦Sed eōs fugientēs longius Caesar prōsequī vetuit, et quod locī nātūram ignōrābat, et quod magnā parte diēī cōnsūmptā mūnītiōnī castrōrum tempus relinquī volēbat.
- 注記
注解[編集]
1項[編集]
- 語釈
訳文[編集]
- 訳文は、ガリア戦記_第5巻#9節
脚注[編集]
- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。