ガリア戦記 第5巻/注解/19節
C · IVLII · CAESARIS · COMMENTARIORVM · BELLI · GALLICI
LIBER · QVINTVS
| ガリア戦記 注解編 | 第5巻 |
|---|
原文テキスト[編集]
[1] 19.
1Cassivellaunus, ut supra demonstravimus, omni deposita spe contentionis, dimissis amplioribus copiis, milibus circiter quattuor essedariorum relictis, itinera nostra servabat paulumque ex via excedebat locisque impeditis ac silvestribus sese occultabat, atque eis regionibus quibus nos iter facturos cognoverat pecora atque homines ex agris in silvas compellebat 2et, cum equitatus noster liberius praedandi vastandique causa se in agros eiecerat, omnibus viis semitisque essedarios ex silvis emittebat et magno cum periculo nostrorum equitum cum eis confligebat atque hoc metu latius vagari prohibebat. 3Relinquebatur ut neque longius ab agmine legionum discedi Caesar pateretur, et tantum in agris vastandis incendiisque faciendis hostibus noceretur, quantum labore atque itinere legionarii milites efficere poterant.
- テキスト引用についての注記
- compellēbat : conpellēbat と表記する校訂版・注釈書もある。
整形テキスト[編集]
[2] XIX. ①Cassivellaunus, ut suprā dēmōnstrāvimus, omnī dēpositā spē contentiōnis, dīmissīs ampliōribus cōpiīs, mīlibus circiter quattuor essedāriōrum relictīs, itinera nostra servābat paulumque ex viā excēdēbat locīsque impedītīs ac silvestribus sēsē occultābat, atque iīs regiōnibus quibus nōs iter factūrōs cognōverat pecora atque hominēs ex agrīs in silvās compellēbat ②et, cum equitātus noster līberius praedandī vāstandīque causā sē in agrōs ēiēcerat, omnibus viīs (nōtīs) sēmitīsque essedāriōs ex silvīs ēmittēbat et magnō cum perīculō nostrōrum equitum cum iīs cōnflīgēbat atque hōc metū lātius vagārī prohibēbat. ③Relinquēbātur ut neque longius ab agmine legiōnum discēdī Caesar paterētur, et tantum in agrīs vāstandīs incendiīsque faciendīs hostibus nocērētur, quantum <in> labōre atque itinere legiōnāriī mīlitēs efficere poterant.
- 注記
注解[編集]
1項[編集]
- 語釈
訳文[編集]
- 訳文は、ガリア戦記_第5巻#19節
脚注[編集]
- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。