ガリア戦記 第6巻/注解/7節
C · IVLII · CAESARIS · COMMENTARIORVM · BELLI · GALLICI
LIBER · SEXTVS
| ガリア戦記 注解編 | 第6巻 |
|---|
原文テキスト
[編集][1] 7.
1Dum haec a Caesare geruntur, Treveri magnis coactis peditatus equitatusque copiis Labienum cum una legione, quae in eorum finibus hiemaverat, adoriri parabant, 2iamque ab eo non longius bidui via aberant, cum duas venisse legiones missu Caesaris cognoscunt. 3Positis castris a milibus passuum quindecim auxilia Germanorum exspectare constituunt. 4Labienus, hostium cognito consilio, sperans temeritate eorum fore aliquam dimicandi facultatem, praesidio quinque cohortium impedimentis relicto cum XXV cohortibus magnoque equitatu contra hostem proficiscitur et mille passuum intermisso spatio castra communit. 5Erat inter Labienum atque hostem difficili transitu flumen ripisque praeruptis. Hoc neque ipse transire habebat in animo neque hostis transituros existimabat. 6Augebatur auxiliorum cotidie spes. Loquitur in consilio palam: quoniam Germani appropinquare dicantur, sese suas exercitusque fortunas in dubium non devocaturum et postero die prima luce castra moturum. 7Celeriter haec ad hostis deferuntur, ut ex magno Gallorum equitum numero non nullos Gallos Gallicis rebus favere natura cogebat. 8Labienus noctu tribunis militum primisque ordinibus convocatis quid sui sit consili proponit et, quo facilius hostibus timoris det suspicionem, maiore strepitu et tumultu quam populi Romani fert consuetudo castra moveri iubet. His rebus fugae similem profectionem effecit. 9Haec quoque per exploratores ante lucem in tanta propinquitate castrorum ad hostis deferuntur.
- テキスト引用についての注記
整形テキスト
[編集][2] VII. ①Dum haec ā Caesare geruntur, Trēverī magnīs coāctīs peditātūs equitātūsque cōpiīs Labiēnum cum ūnā legiōne, quae in eōrum fīnibus hiemāverat, adorīrī parābant, ②iamque ab eō nōn longius bīduī viā aberant, cum duās vēnisse legiōnēs missū Caesaris cognōscunt. ③Positīs castrīs ā mīlibus passuum quīndecim auxilia Germānōrum exspectāre cōnstituunt. ④Labiēnus, hostium cognitō cōnsiliō, spērāns temeritāte eōrum fore aliquam dīmicandī facultātem, praesidiō quīnque cohortium impedīmentīs relictō cum vīgintī quīnque (XXV) cohortibus magnōque equitātū contrā hostem proficīscitur et mīlle passuum intermissō spatiō castra commūnit. ⑤Erat inter Labiēnum atque hostem difficilī trānsitū flūmen rīpīsque praeruptīs. Hoc neque ipse trānsīre habēbat in animō neque hostēs trānsitūrōs exīstimābat. ⑥Augēbatur auxiliōrum cotīdiē spēs. Loquitur in cōnsiliō palam: quoniam Germānī adpropinquāre dīcantur, sēsē suās exercitūsque fortūnās in dubium nōn dēvocātūrum et posterō diē prīmā lūce castra mōtūrum. ⑦Celeriter haec ad hostēs dēferuntur, ut ex magnō Gallōrum equitum numerō nōn nūllōs Gallōs Gallicīs rēbus favēre nātūra cōgēbat. ⑧Labiēnus noctū tribūnīs mīlitum prīmīsque ōrdinibus convocātīs quid suī sit cōnsiliī prōpōnit et, quō facilius hostibus timōris det suspīciōnem, maiōre strepitū et tumultū quam populī Rōmānī fert cōnsuētūdō castra movērī iubet. Hīs rēbus fugae similem profectiōnem effēcit. ⑨Haec quoque per explōrātōrēs ante lūcem in tantā propinquitāte castrōrum ad hostēs dēferuntur.
- 注記
- 原文の appropinquāre, cōnsilī, hostīs などは、
それぞれ adpropinquāre, cōnsiliī, hostēs などとした。
注解
[編集]1項
[編集]
- 語釈
訳文
[編集]- 訳文は、ガリア戦記_第6巻#7節
脚注
[編集]- ^ 原文テキストについてはガリア戦記/注解編#原文テキストを参照。
- ^ 整形テキストについてはガリア戦記/注解編#凡例を参照。